INDUNG
Mun nyawang mangsa ka tukang
Na ciciptan
nyangkaruk pinuh kareueus
ka indung nu bumela
ti mangsa ngakandung
salapan bulan landung
sanajan pinuh kabingung
indung mah henteu pundung
mangsana medalkeun putra
teu ieuh ngarasula
najan kudu pegat nyawa
barang brol kalam dunya
jabangbayi utun inji
dirawu dipuji-puji
ditimang dinangna-nengne
nelengnengkung nelengnengkung
geura gede geura jangkung
geura sakola ka Bandung
ulik elmu masing jucung
salila dua taun
indung sabar darana
diseuseup getihna
sangkan putrana waluya
Gusti
mun ditata sagalana
mo kapapaya laratanna
mung ka Gusti Abdi neneda
mugia hampura Gusti
lumungsunr ka anjeunna
pon kitu kaasih Gusti
mugia ngocor salawasna
ka
INDUNG
Ciranjeng, Pebruari 2013
Tidak ada komentar:
Posting Komentar