Sajak

INDUNG

Mun nyawang mangsa ka tukang
Na ciciptan
nyangkaruk pinuh kareueus
ka indung nu bumela
ti mangsa ngakandung
salapan bulan landung
sanajan pinuh kabingung
indung mah henteu pundung

Soal UTS Basa Sunda IX sem 1

SOAL ULANGAN TENGAH  SEMESTER GANJIL

                        Sekolah                 : SMPN 1 Cingambul

                                                            Mata pelajaran       :  Bahasa Sunda

                                                            Kelas                     :  IX

                                                            Waktu                   :  90 menit

      Baca sajak ieu kalawan taliti!

AL-QUR’AN

Qur’an firman Pangéran

Dilungsurkeun sasih Ramadhan

Eusina pituduh jeung pangajaran

Pikeun ngajak  kana kaimanan jeung kasabaran

Ayat nu suci tur mulya

Jadi saksi umat manusa

Di saantero alam marcapada

Nu ngagimbung pinuh ku dosa

Bukti sareng jangji Pangéran

Kaunggel dina ayat-ayat Al-Qur’an

Sanés jangji nu tacan kaciri

Tapi pakta anu tétéla nyata

Al-Qur’an salah sahiji cara

Sangkan manusa ngajauhan tina dosa

Lamun yakin kana eusina

Pinasti jadi ahli sawarga

SISINDIRAN

1.   Mésér bubur ka Cihaur

      Jalanna mapay Cigowong

      Ka batur mah nitah jujur

      Soranganna purah bohong

2.   Manuk piit jeung tikukur

      Disamberan ku japati

      Mun nu alit resep syukur

      Bakal diasih ku Gusti

            3.   Momotoran sisi jalan

                  Ngaliwat ka sasak saat

                  Lamun urang ngaku iman

                  Ulah poho kana sholat

4.   Ka Jakarta meuli sénter

      Mésérna caket jalan tol

      Lamun urang hayang pinter

      Diajarna kudu getol

            5.   Lamun rék néangan batu

                  Kudu nu warnana coklat

                  Mun  rék néangan minantu

                  Kudu kanu rajin sholat

6. Ka Ciamis meuli nangka

    Ngaliwatan Panawangan

    Neng Geulis teh nu ti mana

    Abdi mah hoyong nepangan

              7. Ti Cikijing ka Cirawa

                  Meser dukuh jeung pisitan

                  Henteu jingjing henteu bawa

                 Da puguh ti pasisian

8. Wayang mana wayang mana

    Wayang Wisnu pangsisina

    Hayang mana hayang mana

    Hayang nu ipis kumisna

               9. Panyingkiran Jatitujuh

                   Ngaliwatan Sasakbeureum

                   Pipikiran teu paruguh

                   Ngemutan nu acuk beureum

10. Asa hoyong angeun waluh

      Angeun waluh dirantangan

      Asa hoyong geura wawuh

      Geus wawuh rek dianjangan

NASKAH MACA WARTA BASA SUNDA

 Assalamu’alaikum war.wab.

Sampurasun!

Wilujeng tepang sareng... dina warta siang.

Warta-warta penting nu seja didugikeun diantawisna:

1.      Kagiatan Milangkala Kabupaten Majalengka ka- 623

2.      Kagiatan Milangkala PGRI ka- 67

Warta salengkepna.

Warta kahiji, Milangkala Kabupaten Majalengka ka- 623

Salasa, 17 Juni  2012, Masarakat Kabupaten Majalengka nu ngawengku sadaya lapisan masyarakat kayaning paraguru, sakumna PNS, aparatur pamarentahan desa, aparatur pamarentahan kacamatan, instansi-instansi nu aya sabudeureun Kabupaten Majalengka, parainohong, organisasi pamuda, jeung lian-lianna ngayakeun rupaning kagiatan dina raraga milangkala Kabupaten Majalengka nu ka 623. Kagiatan utama nu dilaksanakeun nyaeta jalan santey nu langsung diluluguan ku  Bapa H. Sutrisno salaku Bupati Majalengka.

Ubar Tradisional Asam Urat jeung Rematik

Asam urat jeung rematik teh salah sahiji kasakit anu sering dirasakeun ku anu asam urat dina awakna leuwih teuing. Loba obat tradisional nu sok dipake pikeun ngubaran eta kasakit. Eta hal the lantaran obat tradisional leuwih aman sarta teu nimbulkeun efek samping. ”Ubar asam urat jeung rematik biasana ngagunakeun obat modern. Tapi, teu saeutik, ubar modern justru nimbulkeun akibat mangrupa gangguan kana lambung. Ku kituna, teu salah upama urang ngagunakeun obat tradisional rematik dan asam urat,” ceuk Ning Harmanto, terapis obat tradisional.

BAHAN KULTUM (DUIT SAJUTA)

BAHAN KULTUM

DUIT SAJUTA

(DU’A, USAHA, IMAN, TAQWA, SABAR, JUJUR, TAWAKAL)

Ibu rumah tangga bakal ngaraos tenang lamun ngadaduhan duit sajuta. Resiko dapur moal kurat karet. Rencang sangu sabulaneun mah sigana bakal kagaleuh, moal kudu nganjuk ngahutang.

Pon kitu, Manah/hate bakal ngarasa tengtrem, ayem, tumaninah lamun dina diri urang ngagaduhan tabeat, sipat, kadaek nu mangrupa duit sajuta.

DUIT SAJUTA teh akronim atawa pondokna tina du’a, usaha, iman, taqwa, sabar, jujur, tawakal.

D – Du’a :     mangrupa usaha batiniah. Urang diparentah pikeun menta ka Alloh margi mantenna maha beunghar, maha ngadangu, maha uninga kana kaperyogian urang. (Ud’uunii astajiblakum), prak menta ka kami, kami nu bakal ngaijabahna . oamt ulah menta ka salian ti Alloh, margi kalebet pagawean syirik, nu pasti bakal nyilakakeun dunya aherat.

KECAP RAJEKAN

Dina paguneman sapopoe urang sering ngedalkeun kecap-kecap saperti ieu di handap:
1. tatajong, babanda, totoker, ciciwit, gagaro, jeung sajabana
2. guru-guru, aki-aki, nini-nini, murid-murid, jeung sajabana
3. bulak-balik, tual-toel, pucak-pacok, larak-lirik, jeung sajabana
4. dar der dor, blag blig blug, jeung sajabana.
Kecap-kecap nu ditataan bieu lamun ditaliti kalawan imeut breh wae aya engang anu dibalikan deui dua kali atawa leuwih boh sabagian boh sagemblengna. Eta kecap teh dina tata basa Sunda disebut kecap rajekan.